Убавица што не е вистинска е најдобар доказ колку напреднала вештачката интелигенција

ВИ моделите постојат веќе некое време, а колку напредувала вештачката интелигенција (ВИ) најдобро покажува видеото што кружи на социјалните мрежи.

Корисникот на X, Николас Нојберт, сподели видео од жена што држи говор и – луѓето не може да препознаат дали се работи за вистинска личност.

Имено, овој модел направен од вештачка интелигенција изгледа толку реално што многумина напишаа дека границата помеѓу вештачката интелигенција и реалноста е избришана.

„Не е реална. Не верувајте во ништо што ќе видите“, напиша еден корисник, а друг со неверување праша: „Ова е целосно ВИ?“

„Не е совршено, но многу е блиску. Ова е блиску до магија“, заклучи трет додавајќи дека забележал неправилности со микрофонот, но дека снимката сепак била зачудувачка, а еден на шега напиша: „Готово е“.

„Ова е лудо“, „Ова се случува пребргу“ и „Изгледа лудо добро, речиси е невозможно да се каже дека не е вистинска личност“, се дел од коментарите.

Моделите со вештачка интелигенција се присутни веќе некое време. На пример, моделот со вештачка интелигенција Емили Пелегрини е вирална сензација и го привлече вниманието на милионерите и некои познати спортисти, кои ја помешаа со вистинска личност.

Покрај тоа, неодамна се одржа првиот натпревар за убавина во светот со вештачка интелигенција, а победник беше мароканската ВИ инфлуенсерка Кенза Лајли.

 

 

 

 

View this post on Instagram

 

 

 

 

 

 

 

 

 

 

 

A post shared by World AI Creator Awards (WAICA) (@waicas)