Лео Меси и Кристијано Роналдо ги нема на списокот за номинирани во изборот за најдобар Играч на годината на УЕФА. Вакво нешто се случува за прв пат во последните 10 години.
Се чини овој пат за наградата ќе се борат Роберт Левандовски и Кевин Де Брујне, кои важат за најсериозни кандидати. Третиот на спиокот на УЕФА е голманот Мануел Нојер со кој се заокружува триото помеѓу кое се крие победникот за сезоната 2019/20.
Роналдо изминативе 9 години секогаш беше номиниран, а 3 пати беше и победник. Меси 6 пати беше номиниран во последните 10 години, а победи во 2 наврата.
Двајцата виртуози владееја со фудбалот во изминатите 10 години, но како што навлегуваат подлабоко во нивните 30-ти, така го губат чекорот со останатите.
Од Меси и Роналдо, во последните 10 избори беа номинирани:
2019/20 никој
2018/19 Роналдо и Меси
2017/18 Роналдо
2016/17 Роналдо (победник) и Меси
2015/16 Роналдо (победник)
2014/15 Роналдо и Меси (победник)
2013/14 Роналдо (победник)
2012/13 Роналдо и Меси
2011/12 Роналдо и Меси
2010/11 Роналдо и Меси (победник)
