Европската фудбалска асоцијација донесе одлука за инцидентот во кој учествуваше австрискиот репрезентативец Марко Арнаутовиќ, што се случи на мечот со македонската репрезентација на ЕУРО 2020.
Дисциплинската комисија на УЕФА одлучи да го суспендира Арнаутовиќ на еден натпревар за навреда на играч на македонската репрезентација.
На 13 јуни, Австрија ја победи македонската репрезентација со 3:1. Напаѓачот влезе како замена во текот на второто полувреме и успеа да погоди во 89-та минута, поставувајќи го конечниот резултат.
Арнаутовиќ го „прослави“ постигнатиот многу емотивно, извикувајќи навредливи зборови кон Џани Алиоски и другите македонски фудбалери.
ФФМ најостро го осуди „националистичкиот испад“ на Арнаутовиќ, упатен кон Алиоски, и побара максимална казна суспензија од 10 натпревари.
Арнаутовиќ се извини и рече дека не е расист, но дека некои зборови биле изговорени поради емоционален набој.
