Европското фудбалско тело УЕФА му забрани на минхенскиот гигант да ги носи црвените домашни дресови во Лигата на шампионите поради одредена причина.
Според Bild, проблемот е што црните броеви на црвениот дрес не даваат доволно јасна слика за гледачите малите малите ТВ екрани и на стадионите, што ги прекршува прописите за видливост.
За во иднина да го носат споменатиот црвен дрес, ќе мора да го приспособат на правилата на европската фудбалска управа и на него во бела боја да ги стават броевите и презимињата на играчите.
Во претходните натпревари од Лигата на шампионите, Баерн носеше црни или беж дресови, а во среда ги очекува меч од нокаут-фазата против Селтик во Шкотска.
И таму нема да ги носи своите црвени дресови и покрај тоа што шкотските гиганти носат зелено-бели дресови.
„Воопшто не се сомневам дека можеме да го победиме Баерн. На секое ниво покажавме дека сме способни да постигнуваме голови“, изјави тренерот на шкотскиот клуб, Брендан Роџерс.
Шкотскиот гигант е непоразен во 16 домашни натпревари сезонава, вклучувајќи 4 натпревари од Лигата на шампионите, а веќе играше против германски клуб оваа сезона, победувајќи го Лајпциг со 3:1 на „Селтик Парк“.
