Натпреварувачкиот комитет на УЕФА, кој денеска се состана во Виена за да го одбележи Конгресот на европската куќа на фудбалот, дефинитивно утврди дека финалето на Лигата на шампионите за сезоната 2022/23 ќе се игра на стадионот „Ататурк“ во Истанбул.
Арената „Пушкаш“ во Будимпешта ќе биде место за финалето на Лига Европа, додека финалето на Конференциската лига следната сезона ќе се игра во „Еден“ арената во Прага, домот на Славија со 20.800 седишта. Овој стадион всушност се вика „Синобо“, но бидејќи УЕФА забранува спонзорски имиња за своите натпреварувања, ќе се именува според старото име „Еден“.
Домаќин на финалето на женската Лига на шампиони во 2023 година ќе биде стадионот „Филипс“ на холандски ПСВ во Ајндховен.
Истанбул требаше да биде домаќин на финалето во 2020 година, но поради пандемијата системот на натпреварување беше променет и сите натпревари од четвртфиналето до финалето се играа на два стадиона во Лисабон. На Истанбул тогаш му беше доделено финалето во 2021 година, но повторно поради ситуацијата со ширење на инфекцијата со коронавирусот финалето се играше во Португалија, овој пат во Порто. Годинава финалето ќесе игра во Париз.
Лига на шампиони:
„Ататурк“ во Истанбул, Турција
Лига Европа:
„Пушкаш“ во Будимпешта, Унгарија
Европа конференциска лига:
„Еден“ во Прага, Чешка
Женска Лига на шампиони:
„Филипс“ во Ајндховен, Холандија
