УЕФА се подготвува да го смени правилото за гол во гости од следната сезона, дознава британски The Sun.
Ова е едно од најконтроверзните фудбалски правила во последно време.
Сепак, УЕФА не планира целосно да го укине правилото што важеше во Лигата/Купот на шампиони од 1967 година. Промената на правилата ќе важи за случаите кога двомечот оди во продолженија. Според постојните правила, голот во гости вреди повеќе во дополнителните 30 минути, а УЕФА сака да го смени тоа.
Така, правилото за гол во гости ќе важи само во текот на првите 90 минути. Ако натпреварот оди во продолженија, правилот повеќе нема да важи. Ова е промена за која европските клубови се залагаа со години, и сега, се чини, конечно ќе се спроведе на дело.
Оваа промена може да се толкува и како чекор кон целосно укинување на правилото за гол во гости, кое има сѐ повеќе и повеќе противници.
Влијанието на домашниот терен значително се намали во текот на изминатите години, што беше уште поизразено за време на пандемијата, во која нема навивачи на трибините, па предноста на домашниот тим беше дополнително намалена.
Бесмисленоста на ова правило особено се гледа на натпревари што се играат на неутрален терен, каде улогата на дмаќин се доделува само формално, но сепак важи правилото за гол во гости.
Ќе дознаеме по состанокот на УЕФА во петок дали ќе има промена во правилата.