Во текот на синоќешниот ден санкционирани се 412 несовесни граѓани кои не носеле маска, додека проверките во угостителските објекти не регистрирале прекршување на законот за заштита од коронавирусот.
Од страна на полициските службеници досега констатирани се вкупно 24.567 прекршоци за неносење лична заштита на лицето од кои 412 прекршоци во изминатото деноноќие.
Во координација со Државниот пазарен инспекторат во текот на изминатото деноноќие извршени се 72 контроли во објекти при што не се евидентирани објекти кои не ги почитувале одлуките на владата.
На територијата на целата држава на вкупно 852 лица им се издадени решенија за изолација, а 10 лица потпишале изјави за самоизолација. Извршени се контроли кај лица во изолација и самоизолација при што е евидентирано 1 лице кое не ги почитувало овие мерки.
