Српскиот тенисер Новак Ѓоковиќ ќе игра на претстојниот Австралија опен.
До скоро најдобриот тенисер во светот доби добра вест, а тоа е дека ќе игра на Австралија опен во јануари 2023 година, ексклузивно пренесува Herald Sun.
Новак Ѓоковиќ не играше на Австралија опен во 2022 година бидејќи како невакцинирано лице со судска одлука остана без виза и на крајот беше депортиран.
Постоеше страв дека Ѓоковиќ нема да може да игра во Австралија во следните три години, но според Herald Sun, Ѓоковиќ нема да добие забрана и ќе можеме да го гледаме на престижниот турнир во јануари.
Таму ќе го започне походот кон 10-та шампионска титула и првиот Грен слем во сезоната.
