Рано утринава избувна пожар во складиште за нафта во рускиот град Белгород кој бил предизвикан од воздушни напади на украински хеликоптери.
Регионалниот гувернер на градот, Вјачеслав Гладков, ја обвини Украина за напад на складиштето за нафта во градот. Утринава Вјачеслав Гладков на својот канал на Telegram изјави дека два украински хеликоптери Mi24P кои летаат со низок лет над целата територија на Донбас со невидени проектили и ракети PO нападнале складиште за нафта во областа Белогород. Белгород се наоѓа северно од границата со Украина, јавува BBC.
Гладков на својот профил на Telegram рече дека пожарот, кој избувна во петокот наутро, бил предизвикан од воздушни напади на украински хеликоптери. Тој претходно изјави дека две лица се повредени, но дека нивните животи не се загрозени. Жителите од околните улици беа евакуирани додека пожарникарите го гаснеа пожарот, рече Гладков.
Руската војска го користи Белгород за дотур на нафта на своите единици кои се на терен во Украина.
Ова се нови обвинувања од руска страна кон Украинците за напад на територијата на Русија.
Да потсетиме, Русија пред два дена ја обвини Украина за напад на складиште за оружје во истиот град. Украина не презеде одговорност за ниту една од експлозиите.