Главниот штаб на украинската армија го објави последниот извештај за состојбата на фронтот.
Во него се наведува дека украинските сили ги одбиле руските напади во правец на шест населени места на истокот од земјата.
Поточно, во изминатите 24 часа беа одбиени руски напади кај Стелмакивка во Луганската област и кај Билохоривка, Маринка, Бахмутска, Первомаиска и Невелска во областа Доњецк.
Во истиот период, украинските воздухопловни сили извршија 15 напади врз области со голема концентрација на руски воен персонал, оружје и воена опрема и два напада врз руски системи за противвоздушна одбрана, се вели во извештајот.
Украинската армија гаѓала и руски артилериски системи и соборила три беспилотни летала од типот Orion-10, се наведува во извештајот на украинскиот Генералштаб.