Повеќе од 2 илјади години по предавството кое наводно Јуда го извршил врз Исус Христос, жителите на еден град во Никарагва сѐ уште не можат да се помират со тоа и секоја година го казнуваат предавникот.
Веќе како повеќе од еден век граѓаните на Масатепе учествуваат во фестивал за Велики петок кој вклучува влечење на врзаниот Јуда низ градските улици.
Непокажувајќи ниту трошка од она христијанско простување, луѓето го фаќаат и го казнуваат човекот кој ја има честа да биде Јуда, и кој се чини одлично го прифатил предизвикот, иако веројатно дома ќе си замине со по некоја модрица.
„Ова се пренесува со генерации наназад. Нашите татковци и дедовци ни ја оставија оваа традиција на Јуда од Масатепе. Со моите 34 години, учествувам во овој настан веќе 26 години. Ова се случува секој Велики четврток и Велики петок во нашиот Масатепе и е уникатна традиција во светот“, вели еден од учесниците на овој необичен фестивал.
Масатепе е инаку град со 40 илјади жители во западниот дел на Никарагва, држава во Средна Америка. Основан е уште од пред колонијалното време, а името кое доаѓа од јазикот науатл го задржал до ден денес.
