Туристите заинтересирани за руското царско минато сега можат да се возат со посебен воз низ планините Урал, по патот што го поминаа некои членови на царското семејство пред да бидат погубени во 1918 година.
Возот што сообраќа три часа помеѓу Екатеринбург и Алапаевск е опремен со вагон во кој туристите можат да пробаат облека слична на онаа што ја носеле припадниците на руското благородништво на почетокот на 20 век, објави Reuters.
По пристигнувањето во градот, туристите се превезуваат со автобус до места што биле од особено значење за членовите на кралското семејство.
Возот тргна на првото патување во саботата, под покровителство на регионалните власти.
Рускиот цар Николај Втори, неговата сопруга и петте деца, како и војвоотката Елисавета Фјодоровна (Романова) беа убиени ноќта на 18 јули 1918 година, а подоцна беше изградена црква на местото на убиствата во Екатеринбург.