Борбата на жителите на европските градови за подобар квалитет на живот и покрај туризмот незапирливо се шири низ Европа.
И во Прага се борат со огромни гужви и врева. Минатата година беше најавено дека ќе се воведе наплата за влез со автомобил во Стариот град, но тоа сè уште не стапило во сила.
Затоа жителите на Стариот град, кој е познат и како Прага 1, го забранија возењето автомобили ноќе.
Од 14 јули, ноќниот сообраќај е забранет во Прага 1, кој на туристите им е попознат како најтесниот центар на градот, односно Стариот град.
Одлуката се однесува на просторот на Стариот град околу улицата „Длуха“, од 22 до 18 часот.
Според новата одлука, во овој период на улиците ќе се пропуштаат само возила на јавниот сервис, а моментално се поставуваат и знаци за новата регулатива.
Причината? Жителите на најстариот и според многумина најубавиот дел на Прага се заситени од вревата и „само сакаат да се наспијат“.
