Украинскиот боксер Олександр Усик го критикуваше Фјури Тајсон бидејќи не сака да се бори против него за обединување на сите титули во боксот. Наместо тоа, Фјури договори борба со Дерек Чисора, британски професионален боксер кој има три порази во последните четири меча.
„Во овој момент можам само да се насмеам на ова. Зошто го прави тоа? Мислам дека веќе се согласивме на меч, а тој сега бега и зборува дека јас не сакам да се борам против него. Знам дека се плаши од мене. Тој е опасен. Голем е, див и многу интелигентен. Знае што треба да прави во рингот. Сакам да се борам против него за обединување на сите титули“, изјави Усик за ESPN.
Чисора и Фјури ќе се борат во Лондон на 3 декември оваа година. Украинскиот боксер треба уште еднаш да се бори против Ентони Џошуа, а изгледа борбата ќе се одржи во Саудиска Арабија на почетокот на следната година.
Фјури е носител на WBC титула во тешка категорија, додека Усик ги има сите останати појаси во професионалниот бокс.
