Сегашните мерки и услови за влез во Грција не се променети и денес се продолжени до 1 октомври.
Според одлуката на Владата на Грција, сите посетители „без оглед на државјанството и начинот на влегување во земјата“, како и во изминатите четири месеци, имаат четири опции, во однос на документите што треба да се приложат и се однесуваат на COVID-19.
Уште може да се влезе со негативен тест за антиген на COVID-9, стар најмногу 48 часа пред пристигнувањето во Грција, или со негативен ПЦР тест, што е направен во последните 72 часа пред пристигнувањето.
Влезот е одобрен и во случај на целосна имунизација против коронавирус, со потврда за вакцинација, под услов да поминале 14 дена од ревакцинацијата или со потврда дека лицето прележало COVID-19, во период од најмалку 30 и најмногу 180 дена од патувањето.
Овие обврски се однесуваат на возрасни и малолетници на возраст од 12 години и постари, и сите лица (важат и за деца без разлика на возраста) кои влегуваат во Грција мора прво да пополнат електронски формулар за апликација - Pasenger Location Form, преку веб-страницата https://travel.gov.gr/ (најмалку 24 часа пред да влезете во Грција) - и да се приложи примениот код при внесување.
Лицата што влегуваат во Грција, според важечките мерки, ќе бидат тестирани по случаен избор врз основа на здравствениот алгоритам и за сите патници, без оглед на националноста и начинот на влез, кои пристигнуваат во Грција од следниве земји: Албанија, Аргентина, Бразил, Бугарија, Грузија, Египет, Куба, Индија, Кина, Либија, Мароко, Пакистан, Русија, Северна Македонија, Турција, ОАЕ, кои поднесуваат само негативен тест, како услов за влез е негативен резултат од задолжителниот ПЦР тест и брз тест на влезните точки во Грција.
Задолжителното тестирање не се однесува на оние кои имаат валиден сертификат за вакцинација 14 дена по втората доза или потврда дека имале болест во изминатите шест месеци.
Европскиот дигитален ковид-сертификат е четврта алтернативна опција за влез во Грција.