Усвоена Резолуцијата на ВМРО-ДПМНЕ, Левица би сакала „похардкор“ варијанта

Собранието ја усвои Резолуцијата за утврдување на македонските државни позиции во контекст на блокадите на европските интеграции, поднесена од пратеничката група на ВМРО-ДПМНЕ. За Резолуцијата гласаа 96 пратеник, 95 гласаа „за“, а еден беше воздржан. Претходно, пратениците го поддржаа амандманот поднесен од група пратеници во Резолуцијата да се внесе уставното име на државата Република Северна Македонија.

За Резолуцијата говореше само по еден претставник на пратеничките групи.

Пратеникот од пратеничката група на ВМРО-ДПМНЕ Тимчо Муцунски, образложувајќи ја потребата за усвојување на Предлог-резолуцијата рече дека со целосен консензус за нејзино донесување, пратениците имаат можност да покажат силно единство, подготвеност за рационален дијалог и компромис и јасно изразена волја во насока на забрзување на европската перспектива и зацврстување на државниот и национален суверенитет на државата.

– Македонскиот идентитет и јазик се неприкосновена реалност на нашиот народ. Тие се наше наследство од претходните генерации и аманет за идните генерации. Токму затоа со оваа Резолуција посакуваме да ставиме крај на постојано присутните тенденции на негирање на волјата на народот и на преговори без граници за теми и дилеми кои припаѓаат во вековите од далечното минато, кажа Муцунски.

Тој посочи дека со Резолуцијата на македонската дипломатија и се дава цврста алатка во раце, со која на меѓународната сцена одговорно ќе се грижа за целосна заштита на македонскиот идентитет, традициите, етнокултурна посебност, колективен интегритет, заеднички економски живот и наративот за припадност на одреден и географски простор.

– Ова се нашите црвени линии, ова е тоа преку коешто никој ниту имал, ниту ќе има мандат да премине. Преку ова дело го поставуваме никулецот кој ќе ја воздигне нарушената гордоста на нашите граѓани, на нашата нација и држава, рече Муцунски.

Координаторот на пратеничката група на СДСМ Јован Митрески рече дека за социјалдемократите е прифатлива Резолуцијата, но, со прифаќање на нивниот амандман со кој во неа се внесува уставното име Република Северна Македонија, со цел таа да биде во согласност со Уставот.

– Македонскиот јазик, македонскиот идентитет и македонската посебност се меѓународно признаени и потврдени, влезени во нашата лична карта во Обединетите нации. Нашите меѓународни позиции се јасно поставени и не знам по колку пати јавно повторени-за македонскиот идентитет, македонскиот јазик, за македонската посебност, немало, нема и никогаш нема да има преговори. Едноставно, не може да се преговара за тоа што е неспорен факт. Денес, за целиот свет ние сме Македонци, кои зборуваат македонски јазик, рече Митрески.

Тој рече дека иако јавно ги кажале своите позиции дека не се преговара за македонскиот јазик и идентитет, ќе ја поддржат резолуцијата за да стават крај на лагите кои се шират за национално предавство на СДСМ.

– Втората поважна причина за којашто ја прифаќаме Резолуцијата е таа дека треба да излеземе пред граѓаните и да им кажеме да немаат никакви дилеми затоа што ние имаме јасна цел, а тоа е евроатлантскиот пат и ние ќе станеме членки на ЕУ како Македонци, кои зборуваат македонски јазик, повлече Митрески.

Координатор на пратеничката група на Алијанса на Албанците и Алтернатива Скендер Реџепи се изјасни дека ќе ја поддржат Резолуцијата, но побара од лидерите на најголемите македонски партии да иницираат уставни измени со кои Албанците нема да бидат само процент над 20 отсто, туку државотворен народ.

– Ние како држава треба да бидеме дел од ЕУ. Ние треба да негуваме добрососедски односи. Трето, што сакам да напоменам, е дека за македонскиот идентитет, од Албанците, и од Косово и од Албанија и од овде, немало никаква пречка. Сме го поддржувале и ќе го поддржуваме правото на лично самоопределување, изјави Реџепи.

Тој праша како се случило Бугарија, која во 90-те години била многу поназад од нашата држава, сега да биде во позиција да ни стави вето. Реџепи смета дека грешката во 90-те била што се отвориле меѓуетничките конфликти, кои кулминираа со конфликтот во 2001 година. И додека во државата се занимавала со меѓуетнички конфликти, Бугарија се насочила во спроведување на реформи за приближување на ЕУ.

– Ако Албанците беа признаени како државотворен народ во 90-те, ние денес ќе ја условуваме Бугарија, а не да биде обратно, рече Реџепи.

Координаторот на пратеничката група на ДУИ Арбер Адеми се изјасни дека интегративците ја поддржуваат Резолуцијата. Тој говореше за идејата за создавање на ЕУ и да не се дозволи повторување на 20 век.

– Блокадите кон една држава аспиран, не и штетат само на неа, туку и на ЕУ. Блокадата на европската интеграција на Република Северна Македонија, е блокада на целиот процес на проширување на Европската унија и без сомнеж ќе се рефлектира и кон другите членки од регионот, рече Адеми, кој нагласи дека државата заслужува да ги почне преговорите со ЕУ.

– Идентитетот, не е прашање за дискусија и преговори. Како Албанци се солидаризираме со нашите сограѓани Македонци секогаш кога тие се во позиција, во која се допира нивниот јазик, а ние најдобро знаеме што значи кога ќе ти забранат употреба на јазикот, рече Адеми.

Пратеникот од Движењето БЕСА Кастриот Реџепи се изјасни дека ја поддржува Резолуцијата, со напомена дека е еден од потписниците на амандманот за внесување во неа на уставното име.

И пратеникот од Левица Димитар Апасиев се изјасни дека ја поддржуваат Резолуцијата, која ја оцени како „бенигна“, пишувана со дипломатски манири, и напомена дека неговата партија е за „похардкор“ варијанта.

– Овие документи кои ние ги носиме како резолуции и декларации се само симболични. Вистината е една-Македонци имало, има и ќе има, без оглед дали политичарите преговараат како ќе им се вика јазикот, државата и друго, рече Апасиев.

Според него, ветото од Бугарија доаѓа по доаѓањето на власт на Зоран Заев, односно по потпишувањето на Преспанскиот договор.

Тој смета дека државата треба да се фокусира и на алтернативи оти многу долго ќе остане во чекалната на ЕУ. 

реклама

Откритие што менува сѐ: Човечки стапалки стари 23.000 години најдени во Ново Мексико

Read more

Го „уби“ Куман со поглед - младиот Пуиг ги освои фановите на Барса

Read more

Како за 5 секунди да откриете дали месото е свежо?

Read more

Пет навики кои ги има скоро секој, а кои привлекуваат лоша енергија во домот

Read more

Македонија

На локалните избори ќе може да гласаат 1.824.864 граѓани, ДИК вечерва го заклучи Избирачкиот список

Read more

Дневен ковид-биланс: 525 новозаразени и 12 починати

Read more

Филипче: Од средината на октомври нова мерка - ќе може да функционираат само целосно вакцинирани граѓани

Read more

ДЗС: Од утре граѓаните ќе можат да се попишат на одредени локации во својата општина

Read more
 

Вести

На локалните избори ќе може да гласаат 1.824.864 граѓани, ДИК вечерва го заклучи Избирачкиот список

Читај повеќе

Бајден: Пандемијата на невакцинираните мора да престане, тие ја загрозуваат економијата

Читај повеќе

Евростат: Англискиот е најчесто изучуван јазик во ЕУ, следуваат шпански, француски и германски

Читај повеќе

Холандската полиција приведе деветмина кои подготовувале терористички напад

Читај повеќе

Во Албанија во последната декада емигрирале половина од граѓаните со високо образование

Читај повеќе

Дневен ковид-биланс: 525 новозаразени и 12 починати

Читај повеќе
  • play_arrow

Филипче: Од средината на октомври нова мерка - ќе може да функционираат само целосно вакцинирани граѓани

Читај повеќе

Кина ги прогласи за незаконски сите трансакции со криптовалути

Читај повеќе

Услови за влез во Грција до 1 октомври

Читај повеќе