Во текот на утрешниот ден привремен прекин во снабдувањето со вода и електрична енергија ќе има на територија на главниот град Скопје и неговата околина.
ЈП „Водовод и канализација“ Скопје известува дека утре поради реконструкција на водоводна мрежа на булеварот „Митрополит Теодосиј Гологанов“ 74, со прекинато водоснабдување ќе бидат корисниците од тој булевар, Пожарната и дел од ул. „Њуделхиска“.
Водоснабдувањето ќе биде прекинато од 9:00 часот до завршување со активностите, информираат од „Водовод и канализација“
Заради технички зафати во дистрибутивната електромрежа утре без електрична енергија ќе останат дел од корисниците од општините Гази Баба, Сарај, Карпош и Кисела Вода, соопштуваат од РЦУК Скопје.
Во периодот од 8:00 до 15:00 часот без напојување со електична енергија ќе останат корисниците од улиците „Лазар Поп Трајков“, броеви 25, 27, 29, 31 и 33 во Општина Гази Баба.
Во периодот од 8:45 до 10:30 часот без електрична енергија ќе останат корисниците од селата Арнакија, Буковиќ, Ласкарци, Семениште, Паничари, Чајлане и Раовиќ во Општина Сарај.
Во периодот од 9:00 до 14:00 часот без струја ќе бидат корисниците од селото Крушопек, Општина Сарај.
Во периодот од 10:00 до 14:00 часот без електрична енергија ќе останат корисниците од улицата „Варшавска“ во Општина Карпош.
Во периодот од 9:00 до 14:30 часот без напојување со електрична енергија ќе бидат корисниците од улиците „Балканска“ и „Жил Верн“, како и корисниците кои се напојуваат од воздушната мрежа, Општина Кисела Вода.
