Токму кон крајот на летото, младите прилепчани The Dreamers испорачаа вистински летен хит.
Бендот, во кој вокалите се на Викторија Стојческа и Маја Црвенкоска, клавијатури свири Кире Најдоски, а гитара Милан Секулоски, ја објави првата песна „Уживања“, заедно со видеоспот.
Музиката и текстот се на членовите на бендот, аранжманот на Рубин Димкоски, а микс и мастер се работени во R Music Studio.
Видеоспотот е дело на FanProdukcija, режија Оливер Ангелески, монтажа Георгиј Трајкоски, камера Александар Ристески, Георгиј Трајкоски, дрон оператор Мартин Милкоски, светло Театар „Чин4Сцена5“ и шминка Валентина Ѓорѓиоска.
The Dreamers, чиј прв настап како бенд во овој состав беше лани во септември, со оваа песна го најавуваат и првиот албум што се очекува да биде готов напролет.
Дотогаш, уживајте и сонувајте со The Dreamers.