И додека во поглед на ентериерот новото Clio драстично напредуваше, екстериерот повеќе нуди еволуциски промени.
По пример на VW Polo, во Renault одлучија да не го менуваат визуелниот потпис на својот бестселер, а да добие помодерен и популарно кажано „поскап” изглед.
Новитет во понудата е RS Line нивото на опременост кое ќе го замени постоечкото GT и воедно уште повеќе ќе го доближи автомобилот до Renault Sport изведбата. На врвот е Initiale Paris нивото.
Интересен е податокот дека спротивно на трендовите, новото Clio не порасна во димензиите, па дури е и пократко за 14 mm и има должина од 4.048 mm, а висината падна за 30 mm на 1.440 mm. Зголемената ширина од 65 mm сигурно ќе се почувствува во кабината и багажникот кој порасна од 300 на дури 391 литри.
За моторите уште нема ни збор.
