Неколку промотивни видеа кои се појавија на интернет го откриваат изгледот на првиот смартфон на компанијата Lenovo кој е наменет за гејмери.
Се работи за смартфон наречен Lenovo Legion чијшто промотивен материјал го откри анонимен извор. Исто така, откриени се и некои спецификации.
Видеата укажуваат на тоа дека смартфонот ќе го напојува батерија од 5.000 mAh и ќе поддржува полнење од 90W при што за 30 минути се полни до 100 проценти. Видлив е и USB-C port за полнење, слот за SIM картичка, како и дополнителен USB-C port. Звучниците се сместени во горниот и долниот агол, додека микрофонот е позициониран на горната страна.
На предната страна има симетричен дизајн во облик на буквата Y. Во центалниот дел на задниот панел се сместени 2 камери што е малку невообичаено. Сепак, ова е добро решение бидејќи гермерите ги држат смартфоните хоризонтално. Селфи камерата има pop-up механизам.
Уредот има Qualcomm Snapdragon 865 процесор и екран со резолуција од 2.340х1.080 пиксели, како и фреквенција на освежување на екранот од 144 Hz.
Задните камери имаат 64 МP и 16 МP, а селфи камерата има 20 MP.
