Најјаката кошаркарска лига во светот – НБА – ќе продолжи на 31 јули во Орландо и тоа во нов формат.
Шамс Чаранија, nовинар на The Athletic за НБА лигата, на својот официјален профил на Twitter објави точно колку ќе биде времетраењето на секоја фаза од рестартот на сезоната, со почеток на 30 јули:
– 30 јули до 14 август – доигрување на редовната сезона
– 15 и 16 август – турнири во плејофот за да се утврдат последните учесници во плеј-офот
– 30 август – семејствата и гости на тимовите ќе имаат право да пристигнат во Орландо
– 31 август до 13 септември – полуфинале на конференциите
– од 15 до 28 септември – финале на конференциите
– 30 септември до 13 октомври – финале во НБА
Екипите ќе имаат можност да одржат тренинг-натпревари од 9 до 29 јули.
Странските кошаркари кои заминаа во матичните земји ќе треба да пристигнат во своите екипи до 15 јуни.
НБА и Здружението на играчи сè уште се во разговори со другите осум екипи кои не добија право на учество.
Целта е вонсезонска програма, вклучувајќи тренинзи, кампови и многу повеќе.
Чаранија подоцна додаде дека според неговите извори, прозорецот за тестирање на играчите за COVID-19 ќе биде од 23 до 30 јуни.