Вакцините против COVID-19 го преполовија бројот на смртни случаи од болеста во Италија, спречувајќи околу 150.000 смртни случаи и 8 милиони инфекции минатата година, процени италијанскиот национален институт за здравје (ISS).
Студијата на ISS, која започна во 2021 година и траеше до крајот на јануари 2022 година, покажува дека кампањата за вакцинација спречила повеќе од 500.000 хоспитализации и повеќе од 55.000 приеми во единиците за интензивна нега во исто време. Од избувнувањето на пандемијата во февруари 2020 година, во Италија се регистрирани 161.032 смртни случаи поврзани со COVID-19, што е втор најголем број смртни случаи во Европа по ОК и осми во светот.
До денес, оваа европска земја има пријавено 15,4 милиони случаи на инфекција со коронавирус.
Околу 79 отсто од Италијанците се целосно вакцинирани, а 65 отсто примиле трета бустер или засилена доза, според Our World in Data, онлајн публикација фокусирана на главните глобални прашања како што се сиромаштијата, болестите, гладот, климатските промени, војната, и егзистенцијални ризици.и нееднаквости во светот.
Студијата на ISS проценува дека 72 отсто од оние чии животи биле спасени со вакцини биле на возраст од 80 години или постари, 19 отсто биле во возрасната група од 70-79 години, 7 отсто биле на возраст од 60-69 години и 3 отсто биле помалку од 60 години.
Резултатите се добиени со пресметување на податоците за ефикасноста на вакцините и бројот на вакцини на неделно ниво. Целта на студијата е да се процени влијанието на вакцината врз неделниот број на случаи на инфекција, бројот на хоспитализирани, бројот на пациенти примени во единиците за интензивна нега и бројот на смртни случаи.
Методологијата првично беше дизајнирана да ја процени ефикасноста на вакцините против грип, но претходно се применуваше во други земји кога беа спроведени студии за SARS-CoV-2, се вели во онлајн публикацијата.