Вакцината Abdala против коронавирус покажа ефекасност од 92,28 проценти против инфекцијата во последната фаза од клиничките испитувања, соопшти Куба.
Центарот за генетско инженерство и биотехнологија, што ја разви вакцината, објасни дека оваа ефикасност е постигната по три дози, пренесе Reuters.
Abdala е во последната фаза на клинички испитувања и мора да добие официјално одобрување од кубанските власти кон крајот на месецов или на почетокот на јули.
Во саботата, кубанскиот институт за вакцинација Финли објави дека неговиот кандидат за вакцина Soberana 2 покажал 62 отсто ефикасност по аплицирање две од трите дози.
Поради ембаргото, Куба почна да развива свои лекови во 80-те години на минатиот век. Владата сега се надева дека во август ќе бидат вакцинирани 70 проценти од 11,2 милиони жители на Куба, а целото население до крајот на годината.