Кливленд синоќа го победи Мемфис со резултат 128:113, но најмалку се зборува за самата игра.
На почетокот на третата четвртина изби тепачка која го засени сето она што дотогаш се случуваше на теренот.
Дилион Брукс продираше кон кошот, но беше сопрен со блокада. Бекот на Мемфис падна на подот пред најголемата ѕвезда на Кливленд, Донован Мичел, и веднаш намерно го удри со рака во меѓуножјето.
Мичел падна на подот, го гаѓаше Брукс со топка, а кога станаа почнаа и физичка пресметка.
Започна тепачка, се вклучија и нивните соиграчи, а кога се смирија страстите, двајцата играчи беа исклучени и најверојатно ќе бидат казнети.
„Тоа беше подмолен удар, но таков е. Ние сме навикнати на тоа од него. Сите играчи знаат каков е и мора да се штитиш. Лигата мора да направи нешто", изјави Мичел по натпреварот.
