Пеналот на Ројс беше одбранет од Тер Штеген, но мораше да биде повторен бидејќи голманот прерано се помести. Нејасно е како ВАР судиите не го приметија ова кршење на правилата.
Во 57-мата минута од синоќешната дерби пресметка на „Зигнал Идуна Парк“ помеѓу Борусија и Барселона, домашниот капитен пропушти огромна прилика да му донесе водство на тимот од Дортмунд. Пеналот на Марко Ројс беше одбранет од Марк-Андре тер Штеген, но снимката покажува дека одбраната е нерегуларна.
Според правилата на ФИФА, голманите не смеат да се поместуваат над гол-линијата пред изведувачот да ја допре топката, правило кое Тер Штеген го прекрши. За да биде одбраната регуларна, голманот мора барем со едната нога да ја гази гол-линијата.
Главниот судија Овидуи Хацеган од Романија тоа не го виде, а кога такво нешто се случува тука се судиите од ВАР собата да му укажат на пропустот. Но, остана молк во ВАР собата каде беа Полјаците Шимон Марчињак и Томаш Квијатковски.
Пеналот требаше да биде поновен, па можеби и резултатот ќе беше поинаков.