ФФМ преку својот оддел за лиценцирање ги објави дефинитивните одлуки за УЕФА лиценците на клубовите кои аплицираа.
Како и што се очекуваше, УЕФА лиценца не доби лидерот Вардар поради големи долгови кои клубот не успеа да ги подмири. Тоа значи дека втора година по ред Вардар нема да игра во Европа откако и минатата сезона истотака извиси.
Лиценца за наста во Европа добија: Академија Пандев, Македонија ЃП, Работнички, Ренова, Силекс, Шкендија и Шкупи.
Покрај Вардар, не добија лиценца и Борец, Брегалница и Струга. Изненадување е недобивањето на штипјани чиј клуб важи за одлично организиран. Сепак, со неодигрувањето на Купот на Македонија, Брегалница секако нема како да излезе во Европа.
ФФМ сега треба да одлучи кои екипи ќе играат во европските купови во новата 2020/21 сезона. Вардар како прв, иако сѐ уште не е прогласен за шампион, требаше да игра во Лигата на шампионите каде сега веројатно ќе игра второпласираниот Силекс. Според табелата, во Лига Европа ќе одат третата Шкендија и четвртопласираната Ренова.