1.МФЛ

Вардар и Шкендија одиграа одлично дерби и ги поделија бодовите

Во големото дерби Вардар и Шкендија ремизираа играјќи 2:2 со што остана разликата од 8 бодови во корист на скопјани.

Првото полувреме мина во одлична и изедначена игра од двете страни. Младите вардарци беа поагилни, додека тетовчани со искуство знаеја како да одиграат. Прв поведе Вардар и тоа од белата точка откако Матеј Цветаноски беше фаулиран во казнетиот простор на гостите во 29-тата минута. Сигурен егзекутор беше Дарко Мицевски иако голманот Костадин Захов ја погоди страната.

Шкендија сепак дојде до израмнување само пет минути подоцна со голот на Омар Имери по едно невнимание во домашната одбрана.

Вториот дел почна со одлична шанса на гостите, но домаќините беа тие кои постигнаа гол. Контра во 53-тата минута која го однесе Али Адем сам пред Захов чија мрежа ја ладнокрвно затресе младиот вардарец.

Во 65-тата Бесарт Ибрами одлично се снајде во домашниот шестнаесетник и му асистираше на Имери кој со својот втор гол израмни на 2:2.

Сѐ на сѐ одлична фудбалска претстава кој го оправда епитетот дерби. Скопската публика дојде во солиден број, околу 5 илјади, а Комитите дополнително му дадоа шмек на дербито.

Во останатите натпревари Македонија ЃП благодарение на хет-трикот на Браџилецот Паду славеше во Чаир кај Шкупи. Работнички прокоцка водство од 1:3 кај Ренова и на крајот загуби, додека Борец првпат освои бод на гости играјќи 1:1 кај Струга.

Во единствениот натпревар кој беше на програмата синоќа, Силекс ѝ го нанесе петтиот сезонски пораз на Академија Пандев за која зимската пауза е повеќе од добредојдена со оглед на тоа што струмичани се во серија од 6 натпревари без победа и три последователни порази.

Следува зимска пауза од скоро два месеца бидејќи наредното 19-то коло ќе се игра викендот на 15 и 16 февруари 2020 година.

Национална Арена „Тоше Проески“ во Скопје
Вардар - Шкендија 2:2 (1:1)
Стрелци: 29' (п) Дарко Мицевски, 53' Али Адем - 34', 65' Омар Имери
Судија: Александар Ставрев (Скопје)

Стадион „Градски“ во Тетово
Ренова - Работнички 4:3 (1:2)
Стрелци: 27' (п) Арѓент Гафури, 60' Илирид Адеми, 62' Бојан Миовски, 76' Ремзифаик Селмани - 24' Иван Марковиќ, 37', 48' Петар Петковски
Судија: Албрим Шаќири (Струга)

Стадион „Градска Плажа“ во Струга
Струга - Борец 1:1 (0:0)
Стрелци: 60' Арбен Тафе - 46' Роберт Коцев
Судија: Игор Стојчевски (Скопје)

Стадион „Чаир“ во Скопје
Шкупи - Македонија ЃП 2:3 (0:2)
Стрелци: 49' Фатјон Јусуфи, 90' Марин Јурина - 3', 40', 62' Паду
Судија: Јосип Бартон (Скопје)

Стадион „Силекс“ во Кратово
Силекс - Академија Пандев 3:1 (1:0)
Стрелци: 42' Виктор Серафимовски, 61' Дарко Додев, 70' Срѓан Драшковиќ - 64' Даниел Миловановиќ
Судија: Константин Влахо (Скопје)

Табела на полусезона:
1. Вардар 36
2. Шкендија 28
3. Академија Пандев 27
4. Силекс 27
5. Македонија ЃП 26
6. Струга 24
7. Шкупи 22
8. Борец 20
9. Ренова 19
10. Работнички 15

реклама

Патничките авиони ќе летаат како птиците во јато

Read more

Зошто одеднаш Израел почна да си подава рака со арапските земји?

Read more

Мајмун украл телефон и си правел „селфи“

Read more

Ако епидемиолошката слика е стабилна, во ноември ќе се дозволи физичко присуство во училиштата

Read more

Фудбал

Се враќа публиката во Калчото: В недела на две средби ќе има гледачи

Read more

Игуаин потпиша за Интер Мајами

Read more

Ако Шкендија приреди чудо со Тотенхем, ќе има полесна задача во плеј-офот

Read more

Фернандеш е играч на сезоната во Манчестер Јунајтед

Read more

Спорт

  • play_arrow

Адетокунбо вторпат по ред прогласен за најкорисен играч во НБА

Читај повеќе

Се враќа публиката во Калчото: В недела на две средби ќе има гледачи

Читај повеќе

ГП во Монца е најдобра трка сезонава според фановите

Читај повеќе

Игуаин потпиша за Интер Мајами

Читај повеќе

Ако Шкендија приреди чудо со Тотенхем, ќе има полесна задача во плеј-офот

Читај повеќе
  • play_arrow

Фернандеш е играч на сезоната во Манчестер Јунајтед

Читај повеќе

Хамес преминал бесплатно во Евертон

Читај повеќе

Осака се повлекува од Ролан Гарос

Читај повеќе
  • play_arrow

Медиумите во Англија го критикуваа Тотенхем

Читај повеќе