Најтрофејниот македонски фудбалски клуб Вардар попладнево претрпе висок пораз од Шкендија со 5:1 на отворањето на 9. коло во 1.МФЛ.
Тетовци на убедлив начин ги освоија трите бода, демонстрирајќи доминација над младите вардарови фудбалери.
На „Тоше Проески“ во Скопје, Вардар поведе во 12. минута преку Поплзатанов, израмни Рамадани три минути подоцна, Ахмеди во 40. минута ѝ донесе водство на гостинската екипа.
Во второто полувреме три гола за тетовските „Црвено-црни“. Погодија, Ибраими, Тотре и Ахмеди од пенал за убедлив триумф.
Шкендија со 6 победи и 3 нерешени средби е лидер на табелата, Вардар со биланс 3 победи, 2 нерешени исхода и 4 порази е во вториот дел на табелата.
Утре играат:
Академија Пандев – Шкупи
Борец – Македонија ЃП
Ренова – Пелистер
Силекс – Работнички
Струга – Беласица
