Луѓето отсекогаш биле фасцинирани од приказните за познати криминалци, без разлика колку биле страшни и ужасни нивните криминали.
Има многу филмувани верзии на приказните за Ал Капоне, за Ел Чапо, за Бони и Клајд... интересно е колку нѐ привлекува овој возбудлив и опасен начин на живот.
Обожавателите на овој жанр имаат нова серија по која ќе се опседнат – документарец на Netflix за најбараните криминалци кои уште се во бегство.
Документарната серија „World’s Most Wanted“ опфаќа пет од најбараните и најзлогласени криминалци кои извршиле ужасни злодела и уште успеваат да ја избегнат правдата.
Објавен е трејлерот за серијата која ќе почне да се прикажува на Netflix на 5 август, а ги опфаќа, меѓу другите, приказните за „Белата Вдовица“ и за сицилијанскиот бос Матео Месина Денаро кој се крие од 1993 година и се смета дека има убиено 50 луѓе.
