Многу од апликациите што ги користите на вашиот iPhone ја користат и ја снимаат вашата локација на некој начин и ја складираат на вашиот уред, а оваа опција можете многу лесно да ја исклучите.
Секогаш кога барате насоки за возење или препораки за ресторани и активности, повеќето од вашите апликации веројатно ги користат податоците за вашата локација на еден или друг начин.
Ако имате iPhone, има начин да го видите списокот со најновите локации снимени од услугите за локација на вашиот телефон. Таа опција им овозможува на Apple и апликациите од трети страни да собираат податоци за вашата локација за да можат да ви дадат насоки и предлози за подоцнежна употреба.
Користејќи GPS и Bluetooth, како и пристапни точки за Wi-Fi и локациите на мобилните предаватели, Apple може да ја најде приближната локација на вашиот iPhone.
Списокот на вашите следени локации е именуван како Significant Locations. Услугата е целосно шифрирана, што гарантира дека Apple не може да пристапи до овие податоци, туку се користи исклучиво помеѓу вас (вашиот уред) и апликацијата што ги регистрира.
Significant Locations може да се вклучат или исклучат во делот Settings на апликацијата. Еве како да ја прегледате и избришете вашата листа на значајни локации:
- отворете го менито Settings на вашиот iPhone со допирање на иконата на почетниот екран
- изберете Privacy
- допрете Location Services
- Скролнете до дното на списокот со апликации што користат услуги за локација и изберете System Services
- кликнете на опцијата Significant Locations
По автентикацијата со лозинка или Face ID, ќе го видите списокот со места што неодамна сте ги посетиле.
Некои корисници на iPhone во последниве години се жалеа на проблеми со вчитување на оваа функција и прикажување на нивната целосна историја на локации, но во повеќето случаи сè беше во ред.
Допрете едно од вашите зачувани места за да видите мапа со локациите кои неодамна сте ги посетиле.
Ако сакате да ја избришете целата историја на локации, вратете се на списокот Significant Locations, скролнете до дното на списокот и притиснете Clear History.
За да ja исклучите Significant Locations, поместете го лизгачот на врвот на списокот Significant Locations, пишува Business Insider.