Во последните 24 часа 461 лице на територијата на Македонија биле санкционирани поради неносење на заштитна маска.
Од страна на полициските службеници досега констатирани се вкупно 25.028 прекршоци за неносење лична заштита на лицето од кои 461 прекршок во изминатото деноноќие.
Во координација со Државниот пазарен инспекторат во текот на изминатото деноноќие извршени се 81 контрола во објекти при што не се евидентирани објекти кои не ги почитувале одлуките на Владата.
На територијата на целата држава на вкупно 261 лице им се издадени решенија за изолација, а не се евидентирани лица кои потпишале изјави за самоизолација. Извршени се контроли кај лица во изолација и самоизолација при што се евидентирани 2 лица кои не ги почитувале овие мерки.
