Дали знаете во кои две држави во светот немате право на развод?
Станува збор за две познати држави. Првата држава во која е забрането да се разведете е Ватикан, како што веројатно претпоставивте, но што се случува на Филипините?
Разводот на Филипините е забранет по Втората светска војна. Семејството се смета за светилиште и мора да го сочувате на кој било начин. Тие сметаат дека легализирањето на разводот ќе го наруши општествениот поредок и ќе ја ослаби институцијата брак.
Ова е огромен проблем особено за сиромашните жени кои се жртви на насилство, но и за оние кои во разводот гледаат единствено решение.
За поништување на бракот мора да исполнат безброј критериуми, процесот трае со години и чини многу пари. Има опција да живеат разделени, но да го делат својот имот, но секако – остануваат во брак. Дури и оние коишто ќе се обидат да се разведат во странство ќе се соочат со многу компликации откако ќе се вратат.
Можат да се разведат само муслиманите бидејќи според верата имаат право на развод од брачниот другар.
Сепак, властите конечно започнаа иницијатива за донесување закон кој овозможува развод, а ова резултираше со бурни расправи во државата. Многу Филипинци поддржуваат легализација на разводот, додека Католичката црква, конзервативците и десничарските партии не се задоволни од оваа идеја. Со оглед на нивното силно влијание во општеството, останува да се види како овој заплет ќе се одвива и дали „сè додека смртта не се разделиме“ конечно ќе стане „додека судот не нè раздели“.