Сан Антонио Спарс го победи Лос Анџелес Лејкерс на гости со 126:102, иако имаше заостанување од двоцифрена разлика во средината на третата четвртина.
Во таа трета четвртина беше 84:74 за „Езерата“, по што Виктор Вембанјама ги презеде работите во свои раце и целосно издоминира со Ентони Дејвис, па ги предводеше Спарс до победа.
Каков натпревар одигра францускиот репрезентативец најдобро говори потегот на тренерот на Лејкерс, ЏејЏеј Редик, кој по крајот на натпреварот дојде до Вембанјама и го замоли да ги поздрави неговите деца, што младата НБА ѕвезда и го направи.
JJ Redick, who just lost his home to the Los Angeles fires, asked Victor Wembanyama to say hi to his kids...
— WembyMuse (@Wemby_Muse) January 14, 2025
Wemby and CP3 more than delivered ❤️ pic.twitter.com/qKWC05C0e7
Инаку, Французинот постигна 23 поени со 8 скокови и 5 асистенции, а исто толку поени постигнаа Стефон Кесл и Девин Васел. Кесл додаде 4 скокови, а Васел 6 со 4 асистенции. Харисон Барнс мечот го заврши со 17 поени, 4 скокови и 3 асистенции, а Крис Пол додаде 13 со 10 асистенции и 2 скока, додека двоцифрен беше уште и Келдон Џонсон со 10 поени, 3 асистенции и 2 скока.
The Lakers were up 84-74 late in the 3rd quarter, since then the Spurs are on a 40-14 run. Victor Wembanyama has completely controlled the game defensively affecting almost every possession.
— Hot Hand Theory (@HotHandTheory) January 14, 2025
Oh ya, and he can do stuff like this against Anthony Davis.pic.twitter.com/sd6rqdfbLI
Кај Лејкерс најдобар беше Дејвис со 30 поени, 13 скока и 2 асистенции, додека Леброн Џејмс додаде 18 со 8 асистенции и 5 скокови. Остин Ривс мечот го заврши со 12 поени, 8 асистенции и 5 скокови, додека Макс Кристи уфрли 10 поени.
Резултати:
Вашингтон Визардс - Минесота Тимбервулвс 106:120
Њујорк Никс - Детроит Пистонс 119:124
Торонто Репторс - Голден Стејт Вориорс 104:101
Хјустон Рокитс - Мемфис Гризлис 120:118
Лос Анџелес Клиперс - Мајами Хит 109:98
Лос Анџелес Лејкерс - Сан Антонио Спарс 102:126
Табела:
