Вемби ја воодушеви публиката жонглирајќи со фудбал

Најдобриот француски кошаркар, Виктор Вембанјама, гостуваше на синоќешниот натпревар од Лигата на шампионите меѓу ПСЖ и Манчестер Сити (4:2), а играчот на Сан Антонио Спарс покажа завидни фудбалски вештини.

Имено, Вембанјама жонглираше со фудбал на теренот пред почетокот на натпреварот и со оглед на неговата висина (2,21 м) ги воодушеви фудбалските фанови.

И покрај долгите нозе, тој доста добро ја контролираше топката, па дури и изведе трик, што наиде на аплауз од навивачите на „Паркот на принцовите“.

Инаку, ПСЖ го совлада Манчестер Сити со 4:2 во спектакуларен натпревар по пресврт, а натпреварот во целост ги оправда очекувањата и ни донесе спектакл полн со „атомски“ фудбал и пресврти.

Популарниот Вемби пристигна во Париз за да одигра два натпревара со својот тим Сан Антонио Спарс против Индијана Пејсерс, кои се закажани за четврток и недела.

Францускиот ас сезонава има просек од 22,4 поени, 10,8 скока и 4,0 блокади по натпревар.