Венеција е поплавена откако откажа системот против спречување на поплави, па најпознатите градски туристички атракции повторно се под вода.
Градоначалникот Луиџи Бругнаро на Twitter напиша дека Венеција се подготвува за пораст на нивото на водата од 145 сантиметри и дека главниот градски плоштад е веќе поплавен.
Тој соопшти дека системот против поплави, познат како MOSE (Modulo Sperimentale Elektromeccanico) не е во функција. За првпат овој систем беше употребен во октомври и успешно ја одбрани Венеција од висока плима и ја олесни ситуацијата со која градот со години се соочува поради поплавите. Од неделата, двапати го одбрани градот од висока плима.
Делови од Италија се зафатени од силни дождови и снег, а североистокот на Италија и Рим се на највисоко ниво на аларм од временски неприлики.