Верстапен доби 10 места казна пред трката во Белгија

Актуелниот светски првак и лидер во првенството во Формула 1, Макс Верстапен, доби казна пред трката за Големата награда на Белгија која ќе се вози в недела. Холанѓанецот е казнет со 10 места.

Причината за тоа не е некакво несоодветно однесување на Верстапен, туку во прашање се правилата на Формула 1 кои дозволуваат одреден број промени на моторот без последици.

Ова беше неизбежно, веќе многу се зборува за Ред Бул и промената на моторот, особено по катастрофалниот дефект на погонската единица на трката за Големата награда на Канада.

Потоа ја искористија четвртата погонска единица, што е максималната бројка што ја дозволува Ф1 во една сезона и сега Макс ќе има казна од 10 позиции.

Верстапен води во шампионатот со 265 бодови, додека второпласираниот Ландо Норис е на 189, односно 76 помалку. И покрај тоа што Макс е без победа на три трки по ред, неговата позиција не е загрозена.

Да се потсетиме на 2022 година кога победи на „Спа Франкошамп“ стартуваше од 14-тата позиција, додека една година подоцна победи откако стартуваше од шестата позиција.