Пилотот на Ред Бул Макс Верстапен забележа победа на денешното Гран при на „Силверстоун“ во знак на јубилејниот 70-ти роденден на Формула 1.
Холанѓанецот зад себе ги остави возачите на Мерцедес, Луис Хамилтон со 11,3 секунди и Валтери Ботас со 19,2 секунди заостанување.
За Верстапен ова беше прва победа по пет одржани трки во тековната сезона.
Бодови освоија и возачите пласирани од 4-10. место: Леклер, Албон, Строл, Хулкенберг, Окон, Норис и Квајт.
Во Генералниот поредок на шампионатот во Ф1 и натаму во водство е Хамилтон со 107 бодови, Верстапен е втор со 77, Ботас има 73, Шарл Леклер од Ферари е четврти со 45.
Следната недела ќе се вози шестата трка од Ф1 шампионатот, домаќин ќе биде Барселона и патеката „Каталуња“.