Објавена е првата најава за вториот дел на „Hocus Pocus“, во кој повторно заедно ги гледаме Бет Мидлер, Сара Џесика Паркер и Кејти Наџими. Сестрите Сандерс се повторно заедно и во нова авантура.
Во останатите улоги се Сем Ричардсон, Даг Џонс, Хана Вадингам, Тони Хејл и други. Филмот е во режија на Ен Флечер и ќе биде прикажан на Disney+ на 30 септември.
Нова група средношколки ќе ја запалат свеќата на црниот пламен која ќе ги воскресне вештерките од 17 век – Винифед, Мери и Сара Сандерс.
Обожавателите на филмот се прилично возбудени за новото продолжение.
„Имав 9 години кога го гледав првиот дел и оттогаш го гледам секоја година. Спремна сум за продолжението“, „Мило ми е што сестрите Сандерс се повторно заедно и во истиот состав“, „Ова изгледа супер“, се дел од реакциите.
