Како Трамп изгуби 10 милијарди поради погрешна спортска инвестиција?

Американскиот претседател Доналд Трамп отсекогаш бил близок до спортот и спортските настани, но малку е познат фактот дека има изгубено милијарди долари поради погрешна одлука во врска со спортски инвестиции.

Доналд Трамп одби да преземе неколку клубови во НФЛ, најсилната лига во американскиот фудбал во раните 80-ти.

Наместо тоа, одлучи да купи мнозински удел во Њу Џерси Џенералс, кои во тоа време играа во ривалската УСФЛ.

УСФЛ требаше да биде соперничка лига на НФЛ, а Трамп одлучи во неа да ги фрли „сите карти“. УСФЛ лигата беше место за ветерани од НФЛ, или играчи кои се вишок во однос на најсилната лига.

Актуелниот американски претседател прво се залагаше за спојување на двете лиги, што потоа би му овозможило директно да се приклучи во НФЛ. Тој, исто така, се обиде да измами неколку тренери и играчи од НФЛ да се приклучат во неговата лига, а на играчот Лоренс Тејлор му даде и заем од милион долари за да го убеди да се приклучи на неговата УСФЛ.

Во тоа време, НФЛ беше во големи финансиски проблеми, а неколку од клубовите беа ставени на продажба. На Доналд Трамп му беше понудено да ги купи Далас Каубојс за само 50 милиони долари, но ја одби понудата бидејќи сметаше дека УСФЛ е подобра инвестиција и дека не вреди да се даваат толку пари, и дека клубот ќе пропадне.

Сепак, франшизите на НФЛ наскоро се опоравија, а Далас Каубојс вредеа повеќе од 10 милијарди долари. Лигата продолжи да доживува високи нивоа на раст во текот на годините.

За разлика од НФЛ, УСФЛ се распадна во 1986 година, а инвестицијата на Трамп пропадна. За разлика од инвестирањето и изборот на франшиза на НФЛ која достигна вредност од 10 милијарди долари, тој избра клуб и лига кои пропаднаа и се згаснаа по само неколку години.