Полицијата го приведе Б.Т. (33) од село во Општина Карбинци. Тој се сомничи дека во периодот од јануари до март 2026 година, додека престојувал во домот на едно семејство во светиниколско село, вршел полови дејствија, ја соблекувал и допирал по телото нивната малолетна ќерка, соопшти МВР.
Девојчето е на возраст под 15 години.
Од страна на Институтот за судска медицина Скопје било потврдено дека ѝ пренел и заразна болест, откако бил извршен преглед на детето и на него.
Тој е задржан во полициска станица и по целосно документирање на случајот против него е поднесена кривична пријава поради основано сомнение за сторени кривични дела Силување на дете кое не наполнило 15 години по член 188 и Пренесување заразна болест по член 205 од Кривичниот законик.
