13 јуни 1943, загинал македонскиот поет Кочо Рацин

Коста Солев Рацин е роден во 1908 година во Велес, а загинал во сè уште целосно неразјаснет и контраверзен несреќен случај на 13 јуни 1943 година на планината Лопушник во близина на партизанската печатница.

Рацин е најпознат по неговата стихозбирка „Бели Мугри“ издадена на крајот на ноември 1939 година во Хрватска, која во годините потоа е најпреведувана македонска стихозбирка и издадена на сите светски јазици.

Освен со поезија, Рацин се занимавал и со пишувањепроза, а напишал и неколку значајни трудови од областа на историјата, филозофијата и книжевната критика.

Во негова чест во неговиот роден Велес секоја година се одржуваат Рациновите средби и Детските Рацинови средби. На Рациновите средби традиционално секоја година се доделува Рациново признание и Почесно Рациново признание.