Од 15 декември почна процесот на заверка на корисниците за т.н. пензионерски билет за новата 2026 година, извести ЈСП Скопје.
ЈСП Скопје издаде соопштение до своите корисници на билети за возрасни лица од старосна група над 62/64 години дека заверката на истите за 2026 година може да се прави во сите центри за персонализација, започнувајќи од 15.12.2025 година.
Заверката се реализира исклучиво лично од страна на корисникот, со приложување на документ за лична идентификација.
Сите билети за возрасни лица од старосна група над 62/64 години кои нема да бидат заверени заклучно со 31.01.2026 година, ќе бидат автоматски блокирани.
