Времето денеска ќе биде претежно облачно со повремени локални врнежи од дожд. Ќе дува слаб до умерен ветер од југоисточен правец.
Минималната температура ќе биде во интервал од 5 до 16°C, а максималната ќе достигне од 12 до 23°C.
Во Скопје, променливо облачно со повремени врнежи од дожд. Ќе дува слаб до умерен југоисточен ветер. Минималната температура ќе се спушти до 10, а максималната ќе достигне до 22°C.
Времето во наредните денови
Следува период на променливо облачно и релативно топло време со сончеви периоди во текот на денот. Денеска наместа ќе има слаб дожд, а во четврток ќе биде нестабилно со локален пороен дожд и појава на ретки грмежи. До петок ќе дува југоисточен ветер кој денес долж Повардарието ќе достигнува брзина над 60 км/час. За време на викендот ветерот ќе го смени правецот во северен со умерен интензитет.
