Драма на небото: Птица скрши нос на авион, принудно слета во Мадрид

Патнички авион на Airbus е приземјен откако беше тешко оштетен во удар од птица при полетување од шпански аеродром, објавува Daily Mail.

Летот IB579 на Iberia, кој требаше да полета од Мадрид за Париз денес попладне, мораше да се врати на аеродромот „Адолфо Суарес Мадрид-Барахас“ бидејќи удри во голема птица при полетувањето.

Фотографиите од аеродромот покажуваат дека носот на авионот е сериозно оштетен, а дел од материјалот на предниот дел целосно отпаднал.

Според подаатоците на Flightradar24 авионот направил краток круг над Мадрид пред да слета, нешто повеќе од еден час по полетувањето.