Вооружените сили на Латвија денеска издадоа предупредување за воздушна закана за нејзините региони што граничат со Русија и Белорусија, барајќи од жителите да останат во своите домови.
Потврдено е дека најмалку еден дрон влегол во латвискиот воздушен простор од Русија, изјави портпарол на војската за „Ројтерс“.
Авиони на НАТО соборија дрон во латвискиот воздушен простор, соопшти војската.
Воените дронови што залутаа во воздушниот простор на Финска, Естонија, Латвија и Литванија во последните недели предизвикаа загриженост дека војната во Украина се прелева на северните граници на НАТО и Русија.
Додека Украина ги засилува нападите со долг дострел врз руските пристаништа за превоз на нафта на Балтичкото Море, некои од нејзините дронови ги промашија своите цели и предизвикаа безбедносни предупредувања во соседните земји.
