Најголемиот аеродром во Германија започна со голема реконструкција на Терминалот 2, кој ќе биде надвор од употреба речиси една деценија. Се очекува проектот вреден 1,5 милијарди евра да донесе посовремени системи, поголем капацитет и подобри услови за патниците.
Еден од најпрометните терминали на аеродромот во Франкфурт е затворен поради голема реконструкција што ќе трае неколку години. Терминал 2, кој влезе во фаза на целосна модернизација по повеќе од три децении интензивна употреба.
Компанијата Fraport, која управува со најголемиот аеродром во Германија, вели дека реновирањето е неопходно за да се прилагоди терминалот на современите стандарди и идните потреби за патнички сообраќај.
Затворањето доаѓа само неколку месеци по отворањето на новиот Терминал 3, кон кој веќе се пренасочени некои авиокомпании што претходно работеа од Терминал 2.
Според плановите на операторот, реновираниот Терминал 2 треба повторно да ги прими своите први патници кон средината на 30-тите. Откако ќе биде завршен, се очекува да може да опслужува повеќе од 10 милиони патници годишно.
Проектот се проценува дека ќе чини околу 1,5 милијарди евра. Реконструкцијата целосно ќе ги обнови безбедносните системи и техничката опрема, додека инфраструктурата ќе се модернизира со замена на лифтовите, ескалаторите, тоалетите и канцеларискиот простор.
Fraport, исто така, планира да го подобри процесот на контрола на патниците, поефикасно управување со протокот на патници и пофлексибилно користење на комерцијалните објекти во рамките на терминалот.
Како што е најавено, главните градежни работи се планирани да започнат во 2030 година, додека дотогаш ќе се спроведуваат подготвителни активности и детален дизајн.
Иако патничкиот сообраќај од Терминал 2 е преместен во други делови на аеродромот, одредени важни инфраструктурни системи ќе продолжат да функционираат за време на реконструкцијата.
