Иран заплени десетици Starlink антени

Иранските државни медиуми вчера објавија снимки на кои се гледаат десетици Starlink антени, наводно запленети од иранските разузнавачки служби.

Потврдено е дека запленетите предмети вклучуваат најмалку 60 мини сателитски антени на Starlink, стотици 5G рутери од телекомуникациската компанија Du со седиште во Дубаи и друга неидентификувана опрема. Нема индикации дека Starlink или Du дејствувале нелегално, а и двете компании се контактирани за коментар, објави Sky News.

Запленувањето се случува пет дена откако иранската влада го исклучи пристапот до интернет во поголемиот дел од земјата, а прекинот е веќе шести ден. Како одговор на тоа, Иранците се свртуваат кон Starlink, кој се поврзува на интернет преку сателит, за да ги заобиколат ограничувањата.