Израелската армија е подготвена да го нападне Иран „по трет пат ако е потребно“ и „дури и посилно“, изјави израелскиот министер за одбрана Израел Кац за време на денешната воена церемонија.
Новите американски напади врз Иран и нападите на Техеран врз регионалните сојузници на САД од среда го доведоа во прашање прекинот на огнот меѓу двете страни.
„Армијата е подготвена и во состојба на готовност да продолжи да се бори за повторно воспоставување воздушна супериорност и повторно да удри (...) во Иран и да ги елиминира заканите, дури и по трет пат ако е потребно“, нагласи Кац.
За време на истата воена церемонија, премиерот Бенјамин Нетанјаху тврдеше дека Иран е ослабен од две воени кампањи што ги започна Израел.
„Иран и неговите сојузници се послаби од кога било“, рече тој, признавајќи, сепак, дека конфликтот не е завршен.
Војната против Иран започна на 28 февруари кога САД и Израел започнаа воздушен напад во кој беа убиени врховниот лидер Али Хамнеи и неколку други високи ирански функционери. Тоа беше втората израелска операција против Иран по 12-дневниот конфликт во јуни 2025 година, во кој се придружи и Вашингтон.
