Првите сто часа од војната на САД против Иран се проценува дека чинеле 3,7 милијарди долари, или 891,4 милиони долари дневно, според Центарот за стратешки и меѓународни студии (CSIS).
Со оглед на тоа што и американскиот претседател Доналд Трамп и министерот за одбрана Пит Хегсет укажуваат дека војната може да трае со недели, тинк-тенкот со седиште во Вашингтон забележува дека на Министерството за одбрана ќе му требаат повеќе пари отколку што е моментално предвидено во буџетот за финансирање на војната.
„Трошоците за муниција ќе се намалат како што Соединетите Држави преминуваат на поевтини видови муниција“, рече CSIS, објаснувајќи дека започнувањето воздушна кампања е поскапо поради потребното софистицирано оружје.
„Сепак, непланираните трошоци тука ќе бидат значителни... Ова значи дека Министерството за одбрана ќе има потреба од дополнителни средства во одреден момент бидејќи нивото на намалување на буџетот потребно за внатрешно финансирање на овој конфликт веројатно би било политички и оперативно тешко за спроведување“, додаде тој.
Евентуалната копнена офанзива би ги зголемила трошоците многукратно, но исто така би довело во прашање илјадници, ако не и десетици илјади животи.
