Прес-секретарот на претседателот на Руската Федерација, Дмитриј Песков, утрово за време на разговор со новинарите најави кога се очекува телефонскиот разговор меѓу Владимир Путин и Доналд Трамп кој ќе се случи денес.
„Телефонскиот разговор меѓу претседателите на Русија и САД, Владимир Путин и Доналд Трамп, е закажан за 17 часот по московско време, јави ТАСС.
„Секако, разговорот е важен, земајќи ги предвид разговорите одржани во Истанбул“, рече Песков, пренесе РИА Новости.
Тој додаде дека јавноста ќе биде информирана за деталите по разговорот.
Медиумите потсетуваат дека пред денешните разговори со Путин, Трамп вчера разговараше по телефон со лидерите на Франција, Велика Британија, Германија и Италија во обид да се стави крај на конфликтот во Украина, објави британската влада.
